Home NATIONWIDE 49 lugar nagbabadyang makaranas ng ‘dangerous’ heat index ngayong Sabado, Hunyo 1

49 lugar nagbabadyang makaranas ng ‘dangerous’ heat index ngayong Sabado, Hunyo 1

MANILA, Philippines- Sa kabila ng paglipat ng bansa mula sa tag-init patungo sa tag-ulan, sinabi ng Philippine Atmospheric, Geophysical and Astronomical Services Administration (PAGASA) na 49 lugar pa rin ang maaaring makaranas ng heat index na itinuturing na “dangerous” ngayong Sabado, Hunyo 1.

Inihayag ng PAGASA na pumapalo ang dangerous heat index ranges sa 42 degrees Celsius (°C) hangang 51°C.

Iniulat ng weather bureau na maaaring maitala ang heat index na 48°C sa Aparri, Cagayan; followed by 46°C in Bacnotan, La Union; Tuguegarao City, Cagayan; ISU, Echague, Isabela; Virac, Catanduanes; Iloilo City, Iloilo; Tacloban City, Leyte; Maasin, Southern Leyte; at Butuan City, Agusan del Norte.

Samantala, posible itong sumampa sa 45°C sa Dagupan City, Pangasinan; MMSU, Batac, Ilocos Norte; Calayan, Cagayan; Casiguran, Aurora; Coron, Palawan; CBSUA-Pili, Camarines Sur; Roxas City, Capiz; Mambusao, Capiz; Dumangas, Iloilo; Catbalogan, Samar; at Zamboanga City, Zamboanga del Sur.

Nakaamba naman sa Basco, Batanes; Baler, Aurora; Alabat, Quezon; San Jose, Occidental Mindoro; Cuyo, Palawan; Daet, Camarines Norte; Legazpi City, Albay; Masbate City, Masbate; Catarman, Northern Samar; at Dipolog, Zamboanga del Norte ang 44°C heat index.

Dagdag ng PAGASA, maaaring maramdaman sa Sinait, Ilocos Sur; Laoag City, Ilocos Norte; Borongan, Eastern Samar; at Surigao City, Surigao del Norte ang heat index na 43°C.

Samantala, nagbabadya ang 42°C heat index sa Itbayat, Batanes; NAIA, Pasay City; NVSU, Bayombong, Nueva Vizcaya; Iba, Zambales; CLSU, Muñoz, Nueva Ecija; Cubi Pt. Subic Bay, Olongapo City; Tayabas City, Quezon; Sangley Point, Cavite; Ambulong, Tanauan, Batangas; Calapan, Oriental Mindoro; Juban, Sorsogon; La Granja, La Carlota, Negros Occidental; Siquijor, Siquijor; at VSU-Baybay, Leyte. RNT/SA