Inaasahan ng PAGASA na aabot sa 50°C ang heat index sa NAS-UPLB, Los Baños, Laguna ngayong Miyerkules, Abril 16. Umabot na rin ito sa parehong antas noong Martes.
Ayon sa 5 PM bulletin ng PAGASA, kabilang ang Los Baños sa 18 lugar na nasa “danger level” ng heat index. Sa ganitong antas, mataas ang posibilidad ng heat cramps, exhaustion, at heat stroke.
Samantala, 47°C ang inaasahan sa San Ildefonso, Bulacan, at 44°C naman sa mga sumusunod:
Hacienda Luisita, Tarlac City
Sangley Point, Cavite City
Ambulong, Tanauan, Batangas
May posibilidad din ng 43°C sa:
ISU Echague, Isabela
Baler, Aurora
Catarman, Northern Samar
At hanggang 42°C sa:
NAIA, Pasay City
Tuguegarao City, Cagayan
Iba, Zambales
Clark Airport, Pampanga
Coron, Palawan
San Jose, Occidental Mindoro
Pili, Camarines Sur
Roxas City at Iloilo City, Iloilo
Dumangas, Iloilo
Paalala naman ng PAGASA na umiwas sa matagal na exposure sa araw, uminom ng maraming tubig, at magsuot ng preskong damit upang makaiwas sa heat-related illnesses. Santi Celario
