Home METRO 5K security forces magbabantay sa INC rally sa Manila

5K security forces magbabantay sa INC rally sa Manila

MANILA, Philippines- Nasa 5,000 pulis at iba pang security forces ang itatalaga upang magbantay sa pagtitipon ng Iglesia ni Cristo (INC), tinaguriang  National Rally for Peace, sa Quirino Grandstand sa Manila ngayong Lunes.

Inihayag ni National Capital Region Police Office (NCRPO) chief Brig. Gen. Anthony Aberin nitong Linggo na hindi bababa sa 4,400 ang manggagaling sa Philippine National Police habang ang natitira ay mula sa Armed Forces of the Philippines, Philippine Coast Guard at Bureau of Fire Protection.

“These does not include the usual deployment and anti-criminality [teams],” pahayag ni Aberin.

Sarado ang ilang kalsada sa Manila simula alas-4 ng madaling araw ngayong Lunes para sa rally– “Katigbak Drive and South Drive, Independence Road; both lanes of Roxas Blvd. from Katigbak Drive to UN Ave.; both lanes of Bonifacio Drive from Katigbak Drive to Anda Circle; P. Burgos Ave. from Victoria St. to Roxas Blvd.; Ma. Orosa St. from P. Burgos Ave. to UN Ave.; Finance Rd. from P. Burgos Ave. to Taft Ave.; Gen. Luna roundtable; and Kalaw Ave. from Taft Ave. to Roxas Blvd.”

Tutulong naman ang Metropolitan Manila Development Authority (MMDA) na maghanda ng mga alternatibong ruta at magtatalaga ng nasa 1,300 tauhan upang tumulong sa traffic management patungo at mula sa venue.

Sinuspinde ng Malacañang ang trabaho sa government offices at klase sa lahat ng lebel sa Maynila at Pasay City. RNT/SA