6 aso utas sa sunog sa P’que

MANILA, Philippines – Anim na alagang aso ang namatay sa sunog na sumiklab sa isang residential compound sa Parañaque City.

Ayon sa Bureau of Fire Protection, mabilis na kumalat ang apoy dahil gawa sa magaang materyales ang mga bahay.

Walong firetruck ang rumesponde, at 10 hanggang 15 pamilya ang naapektuhan.

Wala namang naiulat na nasaktan sa mga residente. Patuloy pa ring inaalam ang sanhi ng sunog. RNT