MANILA, Philippines – Natagpuan ng mga awtoridad nitong Linggo, Enero 7 ang bangkay ng pitong indibidwal na pinaniniwalaang dinukot saka pinatay at inilibing ng patay sa bakanteng lote sa Barangay Karkum, Sapad, Lanao del Norte.
Kinilala ni Sapad Police Station Commander Maj. Alibsar Daraba ang apat na lalaki at tatlong babaeng biktima na sina Joselito Gaviola, Marly Gaviola, Elvie Gaviola Lenara, Epifanio Lenara, Jopay Lenara, Jomar Lenara, at Epifanio Lenara Jr., mga residente ng Poblacion Margossatubig, Zamboanga del Sur.
Anang Sapad MPS, nauna nang iniulat na nawawala ang mga biktima dalawang araw bago nila nadiskubre ang mga katawan nito na nakalibing sa isang coconut farm sa Barangay Karkum.
Isinasailalim na sa post-mortem examination ang katawan ng mga nasawi. RNT/JGC
