Karuhatan Cemetery ininspeksyon ng hepe ng Valenzuela police

MANILA, Philippines – NAG-IKOT sa Karuhatan Cemetery si Valenzuela City Police Chief Col.
Salvador S. Destura upang kumustahin at tiyakin na nasusunod ng kanyang mga tauhan ang ipinatutupad na mga batas sa loob ng sementeryo.

Ito ay upang masiguro ang kaligtasan ng lahat ng mga dumadalaw sa mga sementeryo ngayong Undas, Nobyembre 1 partikular sa Karuhatan Cemetery.

Maliban sa pwersa ng pulisya, naka-antabay din ang medical team at mga tauhan ng Barangay Karuhatan sa paligid na sementeryo upang umalalay sa mga nangangailan ng tulong para sa ligtas na Undas 2023. RNT