Dahil sa mahusay na pagganap sa women’s 59kg event ng 2024 IWF World Cup, ang umuusbong na weightlifting star na si Elreen Ando ay nakakuha ng puwesto sa 2024 Summer Olympics sa Paris.
Mismong ang Philippine Olympic Committee ang nagpahayag ng balita.
Ngunit dahil sa pagpasok sa Paris Summer Games, natanggal ng 25-anyos na si Ando sa pagbabalik sa Olympics si Hidilyn Diaz, kapwa Pilipina na katunggali na nanalo ng gintong medalya sa Tokyo Olympics ngunit hindi nakakuha ng sapat na puntos upang manatili sa kompetisyon.
Tatlong taon na ang nakalilipas sa Tokyo, ginawa ni Ando ang kanyang Olympic debut at pumuwesto sa ikapito. Umangat siya ng kabuuang 228 kg, na nakaangkla sa 100 kg sa snatch at 128 kg sa clean and jerk.
Nagawa naman ni Diaz na iangat ang kanyang timbang sa 222 kg sa clean and jerk sa kanyang pangalawa at pangatlong pagtatangka, ngunit 99 kg lamang ang kanyang nagawa.
Ang senior athlete ay nasa ikawalo na may 224 kg sa Olympic Qualification Ranking (OQR) bago ang kompetisyon, habang si Ando ay nasa pang-onse na may 222 kg.
Pagkatapos makipagkumpitensya mula sa 2008 edition hanggang sa 2020 Tokyo Games, kung saan nakuha niya ang unang Olympic gold ng bansa, tinapos ni Diaz ang kanyang run of Olympic appearances matapos ang pagkatalo kay Ando.
Makakasama ni Ando sina EJ Obiena at Carlos bilang pinakahuling Filipino delegate na nakakuha ng puwesto sa Paris Games.JC
