MANILA, Philippines – DADALHIN ng puwersa ng Pilipinas at Estados Unidos ang Balikatan joint military exercises ngayong taon sa labas ng territorial waters hanggang sa dulo ng exclusive economic zone (EEZ) nito.
Sa ulat, ang warships ng dalawang bansa ay magpapartisipa sa joint training sa kabila ng presensiya sa lugar ng Chinese vessels, coast guard, at fishing militia.
Inaangkin din kasi ng Tsina at sinasabing pag-aari nito ang bahagi ng exclusive economic zone ng Pilipinas.
Ukol naman sa tensiyon sa Tsina na maaaring maidulot ng joint exercises sa West Philippine Sea, sinabi ni Col. Mike Logico na , “Well, that’s their problem. That’s not our problem.”
“Our defense concepts have to go beyond 12 nautical miles in order for us to protect our national interest within our territory, within our territorial waters, and also within the exclusive economic zone,” ayon kay Logico sa isang panayam.
Si Logico ay ang executive agent ng Balikatan exercises ngayong taon.
Winika naman ni Security analyst Prof. Renato De Castro na ang ugat ng dahilan ng tensiyon ay ang presensiya ng Chinese forces sa EEZ ng Pilipinas.
“If they will only stay in their exclusive economic zone, there won’t be any tension,” ayon kay De Castro.
Samantala, sinabi ng Tsina na tila ginagamit ng Pilipinas ang mga bansa mula sa labas ng rehiyon para suportahan ng probokasyon nito sa lugar habang binabalewala ang sinasabing consensus sa hanay ng mga bansa sa Southeast Asia.
Gayunman, may ilang Southeast Asian countries ang kabilang sa 13 observers sa Philippines-US joint military drills na nakatakda sa Abril at Mayo.
Kabilang dito ang Thailand, Singapore, Vietnam, Indonesia, Brunei, at Malaysia. Kris Jose
