MANILA, Philippines – Upang mailapit ang mahahalagang serbisyo publiko sa mamamayang Pilipino, personal na tinulungan ni Senador Christopher “Bong” Go ang mga mahihirap na residente at sinaksihan ang turnover ng Super Health Center sa Digos City, Davao del Sur.
Sa kanyang talumpati, binigyang-diin ni Go ang kahalagahan ng patuloy na suporta ng gobyerno para sa mga Pilipino, partikular sa pinakamahihirap na miyembro ng lipunan.
Idinaos sa City Gymnasium, 2,000 benepisyaryo ang tumanggap ng iba’t ibang uri ng tulong mula kay Go at sa kanyang Malasakit Team, tulad ng mga grocery packs, meryenda, bitamina, mask, kamiseta, bag, basketball, at volleyballs. May mga piling nakatanggap ng bisikleta, relo, cell phone, at sapatos.
Sa inisyatiba ni Senator Go, katuwang ang lokal na pamahalaan sa pangunguna ni Mayor Josef Cagas, nakatanggap ng suportang pinansyal mula sa gobyerno ang mga naghihirap na residente.
Pinuri ni Go ang pagsisikap ng mga lokal na opisyal, kabilang sina Congressman John Tracy Cagas, Governor Yvonne Roña Cagas, Vice Governor Riafe Cagas-Fernandez, Mayor Josef Cagas, Vice Mayor Atty. Johari Baña, mga konsehal ng lungsod, at mga kapitan ng barangay, bukod sa iba pa, para sa kanilang patuloy na suporta sa kanilang mga nasasakupan.
Pinasalamatan naman ni Mayor Cagas ang senador sa pagbisita nito at patuloy na pagseserbisyo sa publiko.
