MANILA, Philippines – Inaresto ng mga awtoridad sa Koronadal City, South Cotabato ang apat na armadong kalalakihan kasabay ng pagkakasamsam ng mga high-powered firearm at pistol.
Ayon kay Lt. Col. Hoover Antonio, Koronadal City police director, ang mga suspek ay mula sa Columbio, Sultan Kudarat sakay ng puting Toyota Fortuner.
Pinara ang mga ito sa isang police checkpoint sa Barangay Namnama bandang alas-11 ng umaga nitong Hulyo 11.
Sa plain view inspection, nakita ng mga pulis ang mga rifle at handgun sa loob ng sasakyan.
“When asked to present documents to prove they can legally possess firearms, the four could not produce any,” ani Antonio sa panayam sa radyo.
“So, we took custody of them.”
Nakumpiska ng mga awtoridad ang dalawang M16 rifles, apat na caliber .45 pistols, 17 magazines, cartridge cases, dalawang bandoliers, at mga cellphone ng mga suspek.
Patungo sana ang mga suspek sa Banga, South Cotabato, susunod na bayan sa Koronadal City.
Nahaharap ang mga suspek sa Republic Act 10591 o Comprehensive Law on Firearms and Ammunition. RNT/JGC
