MANILA, Philippines – DAPAT na eskortan ng US ships ang Philippine vessels sa resupply missions nito sa South China Sea.
Ito ang sinabi ni US Indo-Pacific Command Commander Samuel Paparo sabay paglalarawan sa “an entirely reasonable option” na nangangailangan ng konsultasyon sa pagitan ng treaty allies.
Ang pahayag ni Paparo na malamang na ikainis ng Tsina ay tugon sa serye ng ‘maritime at air confrontations’ sa pagitan ng Pilipinas at Tsina sa South China Sea sa nakalipas na linggo.
Binigyang diin ng Beijing ang pag-angkin nito sa pinagtatalunang conduit o tubo para sa mahigit na $3 trillion ng annual ship-borne commerce, habang ang Manila ay pinanatili naman ang supply missions, partikular na sa ‘beached naval ship’ sa mainit na pinagtatalunang Second Thomas Shoal, tinatawag din na Ayungin Shoal.
“Escort of one vessel to the other is an entirely reasonable option within our Mutual Defense Treaty,” ang sinabi ni Paparo.
Tugon naman ito ni Paparo sa tanong kung ikokonsidera ng Washington ang pagbibigay ng eskort sa mga barko mula Pilipinas na kumukuha ng mga gamit geographical features sa katubigan.
“I mean certainly, within the context of consultations,” dagdag na wika ni Paparo.
Hindi naman ito nagbigay ng detalye ukol sa mga barko na maaaring tumugon sa naturang gawain.
Sinabi naman ni Armed Forces chief General Romeo Brawner na mas nais ng Pilipinas na gawin ang misyon nito sa sarili nitong kakayahan, pagsusumikapan na maging matagumpay sa kabila ng tinatawag ng Pilipinas na “dangerous” at “coercive” actions ng Tsina.
“We are going to try all options, all avenues that are available to us,” ang sinabi ni Brawner sabay sabing “While we can do it by ourselves, we will do it.”
“But the Philippines would seek alternatives if it found itself constrained from doing so,” aniya pa rin.
“It’s not just perhaps operating with the United States, but also with other like-minded nations,” lahad nito. Kris Jose
