MANILA, Philippines – Isinama si Jaime Alfonso Zobel de Ayala, anak ng chairman ng Ayala Group na si Jaime Augusto Zobel de Ayala, para maging bahagi ng Department of Trade Industry (DTI)-led committee.
Ayon sa Globe Telecom, si Zobel de Ayala ay itinalagang miyembro at private sector representative mula sa National Capital Region (NCR) sa Inter-Agency Investment Promotion Coordination Committee ng DTI.
Maglilingkod si Zobel de Ayala sa komite sa loob ng tatlong taon.
Bukod sa Globe, si Zobel de Ayala rin ay nagsisilbing direktor ng ACEN Corporation, AC Industrials, Isuzu Philippines, Yoma Strategic Holdings Ltd. Singapore (YSH), at BPI Capital Corporation. RNT/JGC
