MANILA, Philippines- Sinita ng Land Transportation Office (LTO) ang mahigit 7,000 unregistered motor vehicles at 4,500 drivers sa Calabarzon region noong Setyembre dahil sa iba’t ibang violations kabilang ang Republic Act 870 o ang Seat Belts Use Act of 1999, bilang bahagi ng pagsisikap nitong tiyakin ang mas ligtas na mga kalsada.
Sinabi ng LTO nitong Biyernes na mga may-ari ng 7,407 unregistered motor vehicles—karamihan ay mga motorsiklo sa 4,007 apprehensions, sinundan ng 1,908 tricycles at 820 privately-owned vans—ang hinuli at binalaan ng mas mabigat na parusa sakaling muli silang pumalyang i-renew ang kanilang vehicle registration.
Sinabi ni LTO-Calabarzon director Elmer Decena na pagdating sa unregistered vehicles, ang Cabuyao District Office ang top performer na may 410 apprehensions, sinundan ng Calamba District Office sa 295, at San Pablo sa 239.
“And based on the instruction of [LTO Chief, Assistant Secretary Vigor Mendoza II], we are now preparing appropriate criminal charges against the owners and drivers of the apprehended colorum vehicles,” wika niya.
Hinuli rin ng LTO ang 54 drivers sa regionwide anti-colorum drive.
Samantala, 4,502 motorista ang sinita sa hindi pagsusuot ng seatbelt.
Gayundin, nanguna ang Cabuyao District Office sa Seatbelt Law operations sa 766 apprehensions, sinundan ng Calamba District Office sa 474, at San Pablo sa 293.
Alinsunod ang pinaigting na anti-colorum at Seatbelt Law operations sa kautusan ni Mendoza sa lahat ng LTO regional directors na magsagawa ng agresibong operasyon laban sa colorum vehicles, unregistered motor vehicles, at iba pang land transportation-related laws. RNT/SA
