‘Leon’ humina; Batanes isinailalim sa Signal No. 3

MANILA, Philippines- Kasalukuyang umiiral sa Batanes ang Tropical Cyclone Wind Signal (TCWS) No. 3 sa paghina ni Tropical Cyclone Leon bilang bagyo nitong Huwebes ng umaga, base sa state weather bureau PAGASA.

Sa 11 a.m. bulletin ng PAGASA, sinabi nitong itinaas ang TCWS No. 2 sa Babuyan Islands habang ikinasa naman ang TCWS No. 1 sa mga sumusunod na lugar sa Luzon:

• Mainland Cagayan

• Isabela

• Apayao

• Abra

• Kalinga

• Mountain Province

• Ifugao

• northern portion ng Benguet (Mankayan, Bakun, Buguias)

• Ilocos Norte

• Ilocos Sur

Base sa PAGASA, si Leon ay matatagpuan 155 kilometers sa hilaga ng Itbayat, Batanes at kumikilos sa direksyong northwestward sa bilis na 25 kilometers per hour (kph) na may maximum sustained winds na 175 kph malapit sa sentro at gustiness hanggang 215 kph.

Inaasahang magla-landfall si Leon sa kahabaan ng eastern coast ng Taiwan ngayong Huwebes ng hapon at posibleng lumabas ng Philippine area of responsibility (PAR) ngayong Huwebes ng gabi o sa Biyernes ng umaga.

“LEON is forecast to weaken through the forecast period due to marginally favorable environment and increasing land interaction with Taiwan. Significant weakening is expected during its passage over the mountainous region of Taiwan,” batay sa PAGASA. RNT/SA