MANILA, Philippines – Tinuligsa ni Pope Francis ang panahon ng “disinformation at polarization” sa isang mensahe para sa World Communications Day.
Pinuna rin niya ang makapangyarihang mga social network na lumikha ng ‘panatismo at maging ang pagkamuhi’.
Sa pagpupugay sa mga mamamahayag, binanggit niya ang kanilang kolektibong pananagutan sa ating panahon na nilalarawan sa disinformation at polarisasyon habang ang ilang sentro ng kapangyarihan ay kumukontrol sa isang walang uliran na dami ng datos at impormasyon.
Sinabi pa ng Papa sa kanyang mensahe na kadalasan ngayon ang komunikasyon ay hindi nagbubunga ng pag-asa, ngunit ang takot at kawalan ng pag-asa,pagkiling at hinanakit, panatisismo at kahit poot.
Ang payo ng Papa ay kasunod ng akusasyon sa X na pag-aari ni Elon Musk ng pagkalat ng maling impormasyon habang nakikialam sa pulitika sa Europe lalo na sa pag-atake sa mga pinuno kabilang ang German Chancellor Olaf Scholz at British Prime Minister Keir Starmer.
Ginamit din nito ang kanyang platform at kayamanan para tulungan si Donald Trump sa White House.
Nitong Enero, sa kanyang pahayag sa mga diplomat ng Vatican noong Bagong Taon, ikinalungkot ni Francis ang pagtaas ng polarisasyon sa lipunan na pinalala ng patuloy na paglikha at pagkalat ng pekeng balita. Jocelyn Tabangcura-Domenden
