MANILA, Philippines- Nagsumite na si Movie and Television Review and Classification Board (MTRCB) Chair and CEO Diorella Maria “Lala” Sotto-Antonio ng kanyang courtesy resignation sa gitna ng umiiral na Cabinet revamp ni Pangulong Ferdinand “Bongbong” Marcos Jr.
Sa liham na may petsang May 23, sinabi ni Sotto-Antonio na bumaba siya sa kanyang pwesto kasunod ng panawagan ng Pangulo, at epektibo ang kanyang resignation pagkatanggap ng Pangulo sa sulat o kung kailan niya tukuyin.
“It has been a profound honor to serve in your administration and to lead the MTRCB in fulfilling its mandate of guiding and safeguarding the content consumed by the Filipino public,” pahayag ni Sotto-Antonio.
“I remain grateful for the opportunity to contribute to nation-building through this agency and for the trust you have placed in me during my tenure,” dagdag niya.
Noong Huwebes, inanunsyo ng Malacañang na ipinanawagan ni Marcos ang courtesy resignation ng Cabinet secretaries, sa layuning i-“recalibrate” ang kanyang administrasyon. RNT/SA
