MANILA, Philippines – Isinusulong ng Department of Information and Communications Technology (DICT) ang mga reporma sa private express at messengerial delivery service (PEMEDES) sector upang suportahan ang mga delivery rider.
Ayon kay Secretary Henry Aguda, ang mga rehistradong provider lamang ang kwalipikado sa mga benepisyong tulad ng one-time fuel subsidy, PhilHealth coverage, at access sa Pag-IBIG loans.
“Kapag nagrehistro yung delivery provider, mata-track natin yung performance nila. Ang kagandahan diyan, masisiguro namin na ang serbisyo nila ay maayos. Yung riders po nila, sila naman ay mabibigyan natin ng benepisyo,” ani Aguda.
Ilulunsad ang isang bagong automated registration website sa susunod na buwan.
Layunin din ng reporma na mapabuti ang serbisyo at transparency sa pamamagitan ng paglalathala ng mga sukatan gaya ng delivery time at loss rate. RNT
