MANILA, Philippines – Kinumpirma ng Commission on Appointments (CA) ang ad interim na paghirang kay Transportation Secretary Vince Dizon, Civil Service Commissioner Luis Meinrado Pangulayan, Commission on Audit chief Douglas Michael Mallilin, at 86 senior military officers ng Armed Forces of the Philippines.
Binigyang-diin ni Pangulayan ang kanyang mahabang serbisyo sa gobyerno at ang kanyang patuloy na dedikasyon sa bayan, habang nangako si Mallilin ng suporta sa digitalization ng COA.
Naantala naman ng CA ang pag-apruba sa mga hirang ng Commission on Elections na sina Noli Pipo at Maria Norina Tangaro-Casingal dahil sa pagtutol, at inilipat ang pagdinig sa Hunyo 10. RNT
