41 China warships, Coast Guard vessels namataan sa WPS noong Mayo – PH Navy

MANILA, Philippines- May kabuuang 41 Chinese warships at China Coast Guard vessels ang namataan sa ilang features sa West Philippine Sea noong May 2025, ayon sa Philippine Navy nitong Martes.

Sa update, inihayag ng Philippine Navy na na-moitor ang sumusunod na Chinese ships sa iba’t ibang WPS features mula May 1 hanggang 31:

• Bajo de Masinloc – 15 CCG vessels, 11 People’s Liberation Army Navy (PLAN) ships

• Ayungin Shoal – anim na CCG vessels, isang PLAN ship

• Pagasa Island – apat na CCG vessels, apat na PLAN ships

Sa parehong period, sinabi ng Armed Forces of the Philippines (AFP) na naitala rin ang 15,765 vessels sa archipelago. Sa bilang na ito, 12,608 ang foreign vessels.

Ayon sa AFP, may kabuuang 1,349 vessels ang hindi tumugon sa radio challenges. 

“The majority of these incidents were recorded in Pagasa (665 vessels), Tubbataha (184 vessels), and Ayungin Shoal (125 vessels) —areas of high interest due to their proximity to other maritime zones,” pahayag ng AFP.

Patuloy ang tensyon sa pag-angkin ng Beijing sa halos kabuuan ng South China Sea, kahit na noong 2016, pinaboran ng Permanent Court of Arbitration sa the Hague ang Pilipinas kaugnay ng claims ng China sa South China Sea, sa pagsasabing wala itong legal basis.

Patuloy ang pagbalewala ng China sa desisyon. RNT/SA