MUNTINLUPA, Philippines – Nahuli ng mga operatiba ng Warrant and Subpoena Section ng Muntinlupa City Police Station ang Top 8 at Top 9 Most Wanted sa listahan ng Muntinlupa City .
Dakong 5:04 pm ng July 3, 2025, nadakip ng mga awtoridad si alias “Darrel”, 26-anyos na walang trabaho at nakatala bilang Rank No. 9 Most Wanted Person sa station level sa bisa ng warrant of arrest na inilabas Hon. Myra Bayot Quiambao, Presiding Judge RTC Branch 203, Muntinlupa City, sa violation ng Sections 13 at 14, Article II Ng Republic Act 9165 o Comprehensive Dangerous Drugs Act of 2002.
Kinaumagahan ng July 4, 2025, dakong 7:25, nasakote naman ng mga operatiba ng kaparehong unit si alias “Enie”, ranked No. 8 Most Wanted Person sa station level, Sucat Interchange, Brgy. Sucat, sa bisa ng warrant of arrest na inilabas ni Hon. Judge Quiambao sa ilalim ng Criminal Case No. 24-189 para sa violation ng Section 11, Article II ng RA 9165.
Ang dalawang arestado ay pansamatalang inilagak sa custody ng Muntinlupa Police Station habang hinihintay ang kautusan ng court sa paglilipat.
“Drug offenders, especially repeat violators and fugitives, pose a serious threat to public safety and social order. These successful arrests reflect the dedication of our police force to relentlessly pursue those who continue to profit from the suffering of others.” pahayag ni PBGEN Randy Y. Arceo, Acting District Director ng Southern Police District. (Dave Baluyot M)
