BICOL, Philippines – Mahigit 254,000 family food packs na naka-standby sa iba’t ibang warehouses sa Bicol region ang inihanda ng Department of Social Welfare and Development sa Bicol (DSWD-5).
Ayon kay Claudio Villareal, hepe ng Disaster Response Management Division ng DSWD-5, na umabot sa PHP273 milyon ang kabuuang halaga ng magagamit na relief resources, kabilang ang mga pagkain na handang pamamahagi.
“Following the blue alert status issued by the Bicol Regional Disaster Risk Reduction and Management Council, we have activated our quick response team. Under the direction of our Regional Director, Norman Laurio, the team is tasked with closely monitoring their respective areas of responsibility,” aniya.
Ang Tropical Depression Crising ay inaasahang magdadala ng malakas na pag-ulan sa ilang probinsya sa Bicol Region, kabilang ang Catanduanes, Camarines Norte, Camarines Sur, Albay, Sorsogon at Masbate.
Sinabi ni Villareal na naka-standby din ang mga non-food items, kabilang ang hindi bababa sa 1,274 sleeping kits, 9,252 family kits, 5,188 sets ng hygiene kits, at 4,994 kitchen kits.
Ang DSWD-5 ay mayroon ding standby fund na PHP789,114 para sa karagdagang pagbili ng mga pagkain at non-food items.
Samantala, pinaalalahanan naman ng Department of Health sa Bicol ang publiko na maghanda ng “Go” bags para sa mga emergency.
Ang isang “Go” bag ay dapat maglaman ng mga mahahalagang dokumento na ligtas at selyado, flashlight, kandila, posporo, whistle, portable na radyo at mga karagdagang baterya. Dapat din itong maglaman ng mga first aid kit, pera, sanitary supplies, pagkain na handang kainin at de-boteng tubig na tatagal ng tatlong araw, bukod sa iba pa. RNT/MND
