MANILA, Philippines – Matagumpay na nailipat ang 300 persons deprived of liberty (PDLs) sa Iwahig Prison and Penal Farm sa Puerto Princesa, Palawan mula sa New Bilibid Prison.
Ayon sa Bureau of Corrections (BuCor) nitong Sabado, Agosto 16, ang hakbang na ito ay upang mapaluwag ang NBP sa inaasahan nitong pagsasara sa 2028.
“The transfer of PDLs to Iwahig acts as both a temporary solution for decongestion and a foundational step towards a more rehabilitative approach to incarceration where inmates can contribute positively to society even while serving their sentences,” pahayag ni BuCor Director General Gregorio Catapang Jr.
Idinagdag pa ni Catapang na ang mga PDL ay magkakaroon ng mahalagang papel sa pagsuporta sa agricultural initiatives sa IPPF kung saan umuunlad ang agricultural program doon.
Nauna nang sinabi ng BuCor chief na target nilang mailipat ang mahigit 30,000 PDLs sa NBP patungo sa iba’t ibang regional prisons at penal farms sa bansa bago ang target na pagsasara nito sa 2028. RNT/JGC
