MANILA, Philippines – Inaresto nitong Martes sa maximum-security camp ng New Bilibid Prison sa Muntinlupa ang isang babae matapos tangkaing magpuslit ng ilegal na droga.
Kinilala ang suspek na si Rhea Mercado, nakarehistrong bisita ng bilanggong si Edgardo Mercado.
Nakumpiska ng mga guwardiya ang isang condom na may lamang puting kristal na substansiya matapos niyang tangkaing iwasan ang X-ray scanning at itapon ang gamit sa banyo.
Dinala ang nakumpiskang droga sa PDEA laboratory para sa pagsusuri, habang dinala si Mercado sa lokal na pulisya.
Ayon kay BuCor chief Gregorio Pio Catapang Jr., ipinapakita ng insidente ang patuloy na hamon sa pagpigil ng pagpupuslit ng droga sa loob ng kulungan. Santi Celario
