MANILA, Philippines – Muling tiniyak ng Asian Development Bank (ADB) nitong Huwebes ang suporta nito sa Pilipinas sa kabila ng malawakang iskandalo ng korapsyon sa mga flood control project na kinasasangkutan ng mga mambabatas, kontratista, at opisyal ng DPWH.
Sa Arangkada Philippines Investment Forum sa Pasay, sinabi ni ADB Country Director Andrew Jeffries na “Our role is to try to help our developing member countries’ governments solve problems.”
Dagdag pa niya, ang isyu ng korapsyon “doesn’t stop our work, but it makes the processes we have in place all the more important,” at malamang ay mas susuporta pa ang ADB ng mas maraming flood protection project sa hinaharap.
Sa ngayon, tatlong proyekto lang ang pinopondohan ng ADB—dalawa sa Mindanao at isa sa hilagang Luzon.
Ang mga alegasyon ng kickbacks mula sa flood control projects ay nag-udyok ng imbestigasyon sa Senado, Kamara, at ng fact-finding body na nilikha ni Pangulong Ferdinand Marcos Jr. RNT
