MANILA, Philippines – Hiniling na ni Public Works Secretary Vince Dizon sa Professional Regulation Commission (PRC) na i-revoke ang lisensya ng 20 tauhan ng Department of Public Works and Highways (DPWH) na nasasangkot sa korapsyon sa Office of the Ombudsman kaugnay sa umano’y anomalya sa flood control projects.
Ngayong Biyernes, Oktubre 3, isinumite na ni Dizon kay PRC Chairman Charito Zamora ang mga ebidensya para sa revocation ng professional lincenses ng mga engineers, accountants at architects na kabilang sa mga tinukoy bilang ‘superstars’ sa flood control corruption scandal.
Kabilang dito sina Bulacan first district engineer Henry Alcantara at dating assistant district engineers Brice Ericson Hernandez at Jaypee Mendoza.
Sinabi naman ni Zamora na pabibilisin ang kahilingan ng DPWH dahil kumprehensibo na ang mga iniharap na ebidensya. Jocelyn Tabangcura-Domenden
