MANILA, Philippines – Iniimbestigahan ng Department of Foreign Affairs (DFA) ang pagkawala ng busto ni Dr. Jose Rizal sa Place Jose Rizal sa ika-9 arrondissement ng Paris.
Iniulat na natanggal ang busto noong gabi ng Oktubre 25–26.
Nakipag-ugnayan ang DFA sa mga lokal na awtoridad sa Paris at sa Embassy ng Pilipinas sa France upang subaybayan ang imbestigasyon.
“The bust of Dr. José Rizal served as a cherished landmark for Filipinos in Paris and a symbol of enduring friendship between the Philippines and France,” ayon sa DFA.
“While the motive behind the removal remains unknown, public monuments are often vulnerable to vandalism or even destruction or theft,” dagdag nito.
Nakikipagtulungan din ang embahada sa komunidad ng mga Pilipino sa Paris upang tuklasin ang lahat ng paraan para maibalik o mapalitan ang busto at patuloy na pangalagaan ang halaga at alaala ng monumento. Dave Baluyot
