180K lumahok sa ikalawang araw ng INC rally

MANILA, Philippines – Umabot na sa 180,000 ang lumahok sa ikalawang araw ng 3-day anti-corruption rally ng Iglesia ni Cristo (INC) sa Quirino Grandstand sa Maynila hanggang nitong tanghali ng Lunes, Nobyembre 17.

Ang datos ay batay sa 10 a.m. update ng Manila Police District (MPD).

Marami sa mga miyembro ng INC ang piniling manatili sa lugar sa magdamag at nag-camping sa grandstand para sa ikalawang araw ng event.

Sa unang araw ay nakapagtala ng 650,000 na mga dumalo sa rally, ayon sa update ng MPD nitong Linggo ng gabi, Nobyembre 16.

Umabot naman sa pitong trak ng basura o 19 metric tons ng basura ang nakolekta sa unang araw ng rally. RNT/JGC