MANILA, Philippines – Nag-inspeksyon si Acting Department of Transportation (DOTr) Secretary Giovanni Lopez sa mga pasilidad ng Ninoy Aquino International Airport (Naia) nitong Sabado, Nobyembre 22 kasabay ng paghahanda ng ahensya sa dagsa ng mga biyahero ngayong holiday season.
Sa pahayag, sinabi ni Lopez na dapat ay maging komportable ang mga pasahero sa kanilang pagbyahe.
“That is why we are promoting digitalization at the airport with the NNIC [New Naia Infra Corp.] so that the overall passenger travel experience becomes faster and more convenient, especially as the holiday season approaches,” saad sa pahayag ni Lopez.
Ayon sa DOTR, ang baggage check-in sa Naia departure area ay mas mabilis na ngayon at mas convenient dahil sa availability ng self-check-in at bag drop counters.
“It is expected that immigration queues at the arrival area for passengers and OFWs will move faster and become shorter with the new e-gates equipped with facial recognition and passport scanning,” dagdag pa nito.
“Passenger safety will also be ensured, and illegal entry will be prevented because of the added security and verification features,” ayon pa sa DOTr.
Operational na ayon sa ahensya ang self-check-in at bag drop counters habang ang PRS e-gates at border control e-gates ay inaasahang ilulunsad sa ikalawang linggo ng Disyembre.
Sa hiwalay na pahayag, makatutulong din sa ginhawa ng mga pasahero, empleyado at airport users ang bagong gawang Tambayan Food Hall at Food Village sa Naia Terminal 3 departure area.
“There are many dining options and free WiFi. In addition, the place is airy, bright, and spacious.”
Ayon sa DOTr, ang Tambayan Food Hall, ay mayroong 2,500-seat capacity, iba’t ibang food concessionaires mula sa bansa at mayroon pang Halal-certified options.
Samantala, ang Departure Food Village ay mayroong 500-seat capacity.
