MANILA, Philippines – Inanunsyo ni Senate President Vicente Sotto III ang paglilipat ng petsa ng bicameral conference committee meeting para sa 2026 budget.
Sa mensahe, sinabi ni Sotto na nagdesisyon ang dalawang kapulungan ng Kognreso na ilipat ang bicam bukas, Disyembre 13 sa halip na ngayong araw, Disyembre 12.
“We are constrained to move the Bicam to Saturday because the technical staff of both the House and the Senate requested one more day to craft the details of the matrix and reconcile the conflicting provisions and amounts, given that budget documents this year are disaggregated and the technical descriptions are included per project,” ani Sotto.
Nauna nang sinabi ni Sotto na ang bicam ay bubuksan sa publiko sa utos na rin ni Pangulong Ferdinand Marcos Jr.
Aniya, ngayong taon ay gagawin ito sa Philippine International Convention Center sa Pasay.
Ganito rin ang paliwanag ni Senador Sherwin Gatchalian, pinuno ng Senate panel on finance, kung bakit inilipat ang petsa ng bicam meeting.
Narito ang mg senador na pinangalanan bilang bicam conferees:
Gatchalian
Sen. Mark Villar
Sen. Pia Cayetano
Sen. JV Ejercito
Sen. Loren Legarda
Sen. Kiko Pangilinan
Sen. Erwin Tulfo
Sen. Camille Villar
Sen. Bato dela Rosa
Sen. Bong Go
Sen. Imee Marcos
Aatasan ang bicameral panel na magtulungan sa pagbuo ng reconciled version ng national funding plan para sa susunod na taon.
Sa oras na mapagkasundo, ang panukala ay ibabalik sa dalawang kapulungan ng Kongreso para sa ratipikasyon.
Ang ratified version nito ay ipapasa naman sa Pangulo para pirmahan. RNT/JGC
