Villar Foundation Awards on Poverty Alleviation

MANILA, Philippines – Pinangunahan ni dating Senador Cynthia Villar ang pagkilala sa mga natatanging community-based organizations sa Villar Foundation Awards on Poverty Alleviation, ginanap noong Disyembre 12 sa The Tent, Las Piñas City.

Mula sa 120 nominado, 30 ang na-validate na mga entry, at 18 community enterprises ang napiling mga natatanging awardee, na tumanggap ng tropeo at ₱250,000 bawat isa. Dalawang Special Awardee rin ang kinilala, na tumanggap ng tig-₱150,000 at sertipiko ng pagkilala.

Binibigyang-diin ng taunang parangal ang pangako ng Foundation sa pagpapababa ng kahirapan, pangangalaga sa kapaligiran, at pagbibigay-lakas sa mga komunidad, sa pamamagitan ng pagkilala sa mga huwarang kooperatiba at community enterprises na patuloy na nagpapabuti sa kabuhayan ng mga pamilyang Pilipino at nagsusulong ng napapanatiling kaunlaran. (CESAR MORALES)