MANILA, Philippines – Magdaraos ang Bureau of Customs (BOC) ng panibagong public auction sa Pebrero 25 para sa 12 luxury vehicles, kabilang ang pito na nasamsam kina public works contractors Pacifico “Curlee” at Cezarah “Sarah” Discaya.
Nauna nang naibenta sa auction ang Rolls-Royce ng mag-asawang Discaya na nadawit sa maanomalyang flood control projects.
Unang isasailalim sa auction ang mga sumusunod na sasakyan: Ferrari SF90 Stradale (Mansory) 2024, Rolls-Royce Phantom 2023, Mercedes-Benz G650 V12 Biturbo 2022, BMW XM 2024, at Lexus LX570 2018.
Muling ipa-auction ang mga natitirang sasakyan ng mga Discaya: Lincoln Navigator 2024, GMC Yukon Denali 2022, Cadillac Escalade 2021, Maserati Levante Modena 2022, GMC Yukon XL Denali 2022, Cadillac Escalade ESV 2022, at Bentley Bentayga 2022.
Gaganapin ang auction alas-10:00 ng umaga sa Situation Room, Ground Floor ng OCOM Building sa Bureau of Customs, Port Area, Maynila.
Maaaring tingnan ng mga interesadong bidder ang mga sasakyan mula Pebrero 19 hanggang 23 sa BOC-Port of Manila Grounds. RNT/MND
