KALINGA- Nagkakahalaga ng P7,840,000 ang fully grown marijuana plants na pinagbubunot at sinunog ng mga awtoridad mula sa nadiskubre nilang taniman ng marijuana sa Brgy. Buscalan, Tinglayan ng lalawigang ito.
Ang pagkakadiskubre sa naturang taniman ng marijuana ay resulta ng inilunsad na three-day eradication campaign (February 27 to March 1, 2026) ng mga pinagsanib na puwersa mula sa Philippine Drug Enforcement Agency (PDEA)-Cordillera Kalinga Provincial Office, PNP Drug Enforcement Group-Special Operations Unit, PNP Special Action Force, 1503rd Mobile Company Regional Mobile Force Battalion, Tinglayan Municipal Police Station, at Provincial Intelligence Unit/Drug Enforcement Unit.
Nasa 39,200 fully grown marijuana ang winasak ng mga awtoridad mula sa nadiskubreng taniman ng marijuana na may lawak na 2,800 sq.m.
Walang naarestong cultivator sa mga naturang taniman. Rolando S. Gamoso
