BATANGAS, Philippines – Nakahuli ang pulisya ng P1.36 milyon halaga ng “shabu” mula sa dalawang umano’y high-value traffickers sa isang buy-bust operation sa Tanauan City, Batangas noong Huwebes.
Ayon sa Police Regional Office 4A, ang mga suspek na kinilalang sina “Richard” at “Arvin” ay nahuli bandang 2:50 p.m. sa Barangay Darasa matapos makipag-transaksyon ng P300,000 halaga ng shabu sa undercover police officer.
Nakuha rin sa kanila ang dalawang knot-tied plastic bag ng shabu na may bigat na 200 gramo, isang motorsiklo, at dalawang mobile phones na susuriin para sa mga rekord ng transaksyon.
Ang dalawang suspek ay kabilang sa high-value individuals (HVIs) sa police drug watch list, kabilang ang financiers, traffickers, o miyembro ng drug syndicates.
Iniimbestigahan ngayon ng pulisya ang pinagmulan ng shabu at haharap ang mga suspek sa kasong paglabag sa Comprehensive Dangerous Drugs Act of 2002. RNT/MND
