Ang Komite sa Paggawa, Empleyo at Pagpapaunlad ng Yamang Tao ay nagtipon nitong Huwebes, Abril 30, 2026 upang talakayin ang problema ng ilegal na recruitment sa bansa, na tumatarget sa mga Pilipino na naghahanap ng lehitimong oportunidad sa trabaho sa ibang bansa.
Pinangunahan ni Sen. Raffy Tulfo, humingi rin ang panel ng input mula sa mga kinatawan ng Department of Labor and Employment (DOLE), Department of Migrant Workers (DMW), Overseas Workers Welfare Administration (OWWA), at iba pang mga ahensya ng gobyerno at mga organisasyong panglipunan kung bakit patuloy na laganap ang ilegal na recruitment at kung ano ang dapat gawin upang epektibong mapigilan ito.
Tinalakay ng panel ang Senate Bill No. (SBN) 1706, na naglalayong muling tukuyin ang syndicated illegal recruitment at SBN 81, o ang Wage Theft Prevention Act, kabilang ang mga isyu kaugnay ng pagbabayad ng sahod at ang operasyon ng ating mga Labor Inspectors. (CESAR MORALES)
