MANILA, Philippines – Itinanggi ni Oriental Mindoro First District Rep. Arnan Panaligan ang mga ulat na kabilang siya sa 15 mambabatas na umano’y umatras sa paglagda sa Articles of Impeachment laban kay Vice President Sara Duterte.
Ayon kay Panaligan, “The report that 15 members of the House withdrew their signatures in the articles of impeachment is not correct and true for the simple reason that no articles of impeachment have yet been submitted and calendared for plenary deliberation and voting by the House. Therefore, there is nothing yet to withdraw.”
Lumabas ang isyu matapos kumalat sa social media ang listahan ng mga mambabatas na umano’y umatras sa suporta sa impeachment, ilang araw bago ang inaasahang botohan sa plenaryo sa Mayo 11, 2026.
Ayon kay Bicol Saro party-list Rep. Terry Ridon, may kasama pang pekeng pangalan sa listahan na “Bier Rodriguez,” na sinasabing hindi naman miyembro ng Kongreso.
Una nang ibinahagi ang post ng Facebook page na Politiko at na-repost ng ilang local pages gaya ng Balitang Mindoro.
