Minor phreatic eruption naitala sa Bulkang Taal

MANILA, Philippines – Nakapagtala ng minor phreatic o steam-driven eruption ang Bulkang Taal nitong Sabado, Mayo 16.

Ayon sa PHIVOLCS, ang pagputok ay nangyari 12:16 ng umaga sa main crater ng bulkan na ikalawa ngayong buwan.

Ang pagsabog na tinatawag na “pusngat” ay naglabas ng 300 metrong plume na nakunan ng thermal camera monitoring system sa main crater.

Nananatili naman sa Alert Level 1 ang babala sa Bulkang Taal. RNT/JGC