Piso sumadsad sa record low 62-per-dollar level

MANILA, Philippines – Sumadsad sa bagong record low na P62-per-dollar level ang Piso sa pagbubukas ng palitan ngayong Biyernes ng umaga, Agosto 28.

Ito ay kasabay ng pagtimbang ng mga investor sa bagong rate hike decision ng Bangko Sentral ng Pilipinas.

Nagbukas ang sesyon sa P62.05 per dollar bago umabot sa intraday low na P62.25.

Nalampasan na nito ang dating all-time low level na P61.995 na naitala noong Agosto 19.

Ang pagsadsad ay nangyari kasunod ng desisyon ng BSP ng panibagong quarter-point hike na nagdala sa policy rate na 5 percent.

Ayon sa BSP, ang pinkahuling aksyon ay “preemptive” move laban sa lumalaking banta ng inflation.

Nitong Huwebes, bumaba ng 23.8 centavos ang Philippine peso at nagsara sa 61.888 per dollar. RNT/JGC