ILOCOS SUR, Philippines — Hindi nakalipad ang isang passenger aircraft mula sa Laoag International Airport makalipas ang alas-11 ng gabi noong Linggo, Agosto 30, dahil sa malakas na ulan, kaya na-stranded ang mga pasahero at kinailangang bigyan ng pansamantalang matutuluyan.
Sa utos ni Laoag City Mayor James Bryan Alcid, sinundo ng mga sasakyan ng pamahalaang lungsod ang mga apektadong pasahero sa paliparan.
Inilagay sa mga available na hotel sa sentro ng lungsod ang ilang pasahero, habang ang iba naman ay dinala sa mga bus terminal upang maipagpatuloy ang kanilang biyahe sa pamamagitan ng land travel.
Patuloy na minomonitor ng mga awtoridad ang lagay ng panahon at tinutulungan ang mga apektadong biyahero habang nagpapatuloy ang malakas na pag-ulan sa lugar.
Pinaalalahanan din ang mga residente at biyahero na mag-ingat habang patuloy na nakaaapekto ang masamang panahon sa lugar. RNT/MDS
