MANILA, Philippines – Pinarangalan ng Senado ang mga Pilipinong dance groups na nagpakitang-gilas sa 2026 World Hip Hop Dance Championship sa Phoenix, Arizona.
Tumanggap ng kopya ng Senate Resolution No. 591 ang Femme MNL, HQ, The Crew, Folk Jumpers at Sayawatha Jr. na lumahok sa international competition na inorganisa ng Hip Hop International.
Inihain ni Sen. Bam Aquino ang resolusyon bilang pagkilala sa kanilang tagumpay.
Nagkampeon ang Femme MNL sa Megacrew Division at HQ naman sa Adult Division. Nakuha ng The Crew ang silver medal sa Megacrew, dahilan para sa 1-2 finish ng Pilipinas sa kategorya.
Nag-uwi rin ng bronze medal ang Folk Jumpers sa Adult Division at Sayawatha Jr. sa Junior Division. CESAR MORALES
