MANILA, Philippines – Naghain ng not guilty plea si USWAG Ilonggo Party List Representative James “Jojo” Ang, Jr. nitong Martes, Setyembre 8 para sa dalawang reklamo ng graft sa umano’y multi-milyong pisong kontrata sa Department of Public Works and Highways.
Matatandaan na ipinag-utos ng Sandiganbayan ang pag-aresto kay Ang noong Hulyo kaugnay sa 14 kaso ng graft na inihain ng Office of the Ombudsman.
Inakusahan ang mambabatas ng pagkakaroon ng share sa isang kompanya na nanalo ng P214 milyong halaga ng kontrata mula sa Department of Public Works and Highways habang siya ay nasa opisina.
Ginawaran ang naturang kompanya ng P199 milyon ng kabuuang halaga.
Bagamat orihinal na itinakda ang arraignment at pre-trial nito noong Agosto 3, naghain ang kampo ni Ang ng Motion for Consolidation at Motion to Quash Information, na nagtulak sa petsa sa Setyembre 8.
Pinayagan naman ng Sandiganbayan ang Motion for Consolidation ng consolidation ng dalawang kaso.
Sa kabila nito ay tinanggihan ng Sandiganbayan ang motion to quash dahil sa kakulangan ng merito.
“The Motion to Quash Information dated July 31, 2026 filed by accused James Ang, Jr. is hereby denied for lack of merit. The Court finds that it has jurisdiction over the offenses charged,” sinabi ng Sandiganbayan. RNT/JGC
