Manila, Philippines – Hinangaan at umani ng papuri si Jericho Rosales mula sa netizens dahil sa ginawa niya sa girlfriend na si Janine Guttierez.
Pinagpipiyestahan ngayon sa social media ang mga litrato at video ng celebrity couple kung saan makikita ang una na tumatawid sa baha habang buhat-buhat ang huli.
Nasa Los Angeles, California sila para sa Manila International Film Festival.
In-upload sa Instagram ng manager ni Jericho na si Pinky Tady-Angodung ang video na kuha sa Beverly Hills at masasaksihan nga rito kung paano kinarga ng kanyang alaga si Janine.
“Coz it’s raining in Manila, pati dito sa Hollywood,” ang mababasa sa caption ni Pinky sa kanyang IG post.
Pinusuan at sandamakmak na positibong komento ang nakuha ng award-winning actor dahil nga sa effort niyang ito sa kanyang girlfriend.
Sa comments section, nag-dialogue si Janine ng, “Akala ko tatalon kami patawid eh.”
Narito naman ang ilang reaksiyon ng mga netizen sa pagiging protective at sweet ni Echo kay Janine.
“Ama namin, nasan yung amin??”
“The more i admire jericho that much..very consistent sa pagiging gentleman nia…sarap sa feeling ..parang princess nini nmin..luv u both thanks miss Pinky for capturing that precious moment for us.”
