MANILA, Philippines – Kasalukuyang inaalagaan ni Batangas 1st District Rep. Leandro Leviste ang ina nitong si Senador Loren Legarda na sumasailalim sa lung at autoimmune condition sa France, ayon sa tagapagsalita ng senador na si Tony La Viña.
Sa forum sa Quezon City, tinanong kasi si La Viña sa kondisyon ng kalusugan ni Legarda na naka-medical leave mula Agosto 3, isang araw matapos siya at si Leviste ay napaulat na umalis ng bansa.
“Kasama niya [Legarda] si Leandro, who is the one assisting her sa medical needs niya na family. As you know, Leandro is her main family now, and so yun ang ginagawa nila,” sinabi ng tagapagsalita ng senador.
Tumanggi nang magbigay ng iba pang detalye si La Viña sa kondisyon ni Legarda ngunit sinabing matagal na itong nararanasan ng senador at “the Senate and the senators know.”
Sinabi rin ng tagapagsalita na, “Hindi siya ngayon lang. Matagal na siya, but aggreviated siya when there is stress, when there is tension.”
“That is why I think she’s taking the opportunity to have this treated once and for all.”
Sa tanong naman kung kailan uuwi ng Pilipinas si Legarda para bumoto sa impeachment trial ni Vice President Sara Duterte, sinabi nito na “November is far away.”
“So I will not rule it out na nandito na siya by November.”
“Ang alam ko sa trial is matatapos na siguro yung prosecution within a week or two. And then may recess sa October to do the budget. And then resume sila sa November. So depende ngayon sa defense, whether they will take one or two months,” dagdag pa niya.
Iginiit ng tagapagsalita ni Legarda na naniniwala siyang ang senador ay makakaboto sa impeachment trial dahil siya ay nanumpa at nakadalo sa unang bahagi ng mga proceedings bago umalis ng bansa noong Agosto.
Naniniwala rin siyang ang senador ay nagmomonitor sa France “as much as she can.”
“So I think under the ruling of Senator [Chiz] Escudero, excluded are those who are absent because of sickness—if absent,” sinabi ni La Viña.
“She wants to come home. She’s eager to come home,” dagdag pa. RNT/JGC
