MANILA, Philippines – Niyanig ng magnitude 5.0 na lindol ang Occidental Mindoro nitong Miyerkules ng umaga, Setyembre 30.
Ayon sa Philippine Institute of Volcanology and Seismology (PHIVOLCS), ang lindol ay tumama 9:34 ng umaga at may lalim na 10 kilometro.
Naitala ang sentro ng lindol 23 kilometro mula sa Mamburao, Occidental Mindoro.
Nakapagtala ang PHIVOLCS ng instrumental intensities sa mga sumusunod na lugar:
Intensity IV – Mamburao at Sablayan, Occidental Mindoro
Intensity III – Abra de Ilog at Looc, Occidental Mindoro; Calapan City, Oriental Mindoro
Intensity I – San Jose, Magsaysay at Calintaan, Occidental Mindoro; Victoria at Pinamalayan, Oriental Mindoro
Dahil dito ay agad na sinuspinde ni Mamburao Mayor Glicerio “E-K” Almero III ang klase sa lahat ng antas sa munisipalidad batay sa rekomendasyon ng Municipal Disaster Risk Reduction and Management Office (MDRRMO). RNT/JGC
