MANILA, Philippines – Inamin umano ni Sen. Loren Legarda kay Sen. Panfilo “Ping” Lacson na nagkamali siya nang sumama sa grupong pinamumunuan ni Senate Minority Leader Alan Peter Cayetano na kumalampag sa pagkapangulo ng Senado noong Mayo 11.
“The last time we talked, she admitted that she made a mistake. I told her to forget about it, and that it’s over,” sabi ni Lacson sa panayam sa dwIZ nitong weekend.
Sinabi rin ni Lacson na nagreklamo si Legarda dahil hindi siya sinasagot sa mga mensahe ni Senate President Pro Tempore Vicente Sotto III nang subukan niyang makipag-ugnayan dito.
Naalala na nakuha ni Cayetano ang pagkapangulo ng Senado noong Mayo 11 matapos patalsikin ng kanyang paksyon, na binubuo ng mga kaalyado ni Duterte, si Sotto.
Nakakuha ng slim majority ang grupo nang biglang magpakita si Sen. Ronald “Bato” dela Rosa, na ngayon ay fugitive dahil sa warrant ng International Criminal Court, para suportahan si Cayetano matapos magtago ng anim na buwan.
Sa en banc resolution na may petsang Aug. 26 pero inilabas lang kamakailan, ibinasura ng Kataas-taasang Hukuman ang petisyon na kumukuwestiyon sa legalidad ng sesyon ng Senado noong June 3 na nagluklok kay Sen. Sherwin Gatchalian bilang Senate President Pro Tempore at acting Senate President, at nagresulta sa pagpapatalsik kay Cayetano.
Ayon sa Korte Suprema, hindi napatunayan ng mga petitioner na sina Valeriano Loon at Zigfred Diaz na may grave abuse of discretion sa ginawang sesyon.
May hiwalay ding petisyon ang grupo ni Cayetano, kabilang si Legarda, para kwestyunin ang lehitimidad ng liderato ni Gatchalian. Pero ayon sa media officer ni Cayetano, hindi sakop ng huling desisyon ng Korte Suprema ang petisyon ng minority bloc.
Kaugnay nito, inamin ni Lacson na ikinalungkot at ikinagulat niya ang paglipat ni Legarda sa kampo ni Cayetano.
“My sentiment, and I think my colleagues share this, it is sad that Sen. Legarda…did not inform us of her decision,” sabi niya sa naunang pahayag.
“I am not taking anything away from her decision to join Sen. Cayetano, but we just hoped she would at least have told us, instead of surprising us.”
Sinabi ni Lacson na napag-usapan na nila ng ilang senador ang posibleng pagbabalik ni Legarda sa majority.
“We talked about it, not all of us, but a small group of us in the majority, she is welcome… she is welcome to come back,” aniya.
“It’s her decision… but you know, there’s a British saying ‘[It ain’t over] ’till the fat lady sings’. Until it doesn’t happen, she’s not in the majority. … if this is news, this is a developing story,” dagdag niya.
Sinabi naman ni Tony La Viña, spokesperson ni Legarda, na hindi nila tinatanggal ang posibilidad na sumama ang senador sa majority bloc, dahil normal lang ang paglipat-lipat ng alyansa sa Senado
Naka-medical leave si Legarda simula Aug. 3. Ayon sa mga ulat, nasa France siya para magpagamot ng “serious” na sakit sa baga. Hindi pa mismo inihayag ni Legarda ang detalye ng kanyang karamdaman.
Umalis ang senador noong Aug. 2, ilang araw matapos ianunsyo ng Office of the Ombudsman na sasailalim siya at ang anak niyang si Batangas Rep. Leandro Leviste sa preliminary investigation kaugnay ng P10 bilyong “ghost” solar power projects.
Pinayuhan siya ni Lacson na umuwi na kung kaya ng kalusugan.
“I understand her condition. But if she can, if her health permits, I would encourage her to come home. First, the investigation against them is very preliminary. But that’s only my advice. It’s her decision actually. After all, at the end of the day, that’s her personal decision,” sabi ni Lacson. Ernie Reyes
