MANILA, Philippines – Nagkaisa sina Senador Francis “Kiko” Pangilinan at Panfilo “Ping” Lacson na bigyan ng mas malakas na kapangyarihan ang Office of the Ombudsman upang tuluyan nang masugpo ang katiwalian at korapsiyon sa pamahalaan.
Sa magkahiwalay na pahayag sa ginanap na pagdinig ng Senate Bill No. 2394 nitong Lunes, pinaburan ni Pangilinan, chairman ng Senate committee on justice and human rights sa pagsasabatas ng panukala.
Aniya, dapat bigyan ang anti-graft body ng sapat na kakayahan para ipatupad ang mga legal na utos, mag-secure ng ebidensya, at protektahan ang mga testigo, sa joint hearing ng Committees on Justice and Human Rights, at Ways and Means nitong Lunes, October 5, 2025.
Tinalakay ng panel ang Senate Bill No. 2394 na naglalayong amyendahan ang Section 15 ng Republic Act No. 6770 o Ombudsman Act of 1989 para bigyan ng anti-corruption law-enforcement powers ang Ombudsman.
“Dapat bigyan ng sapat na kapasidad at awtoridad ang Office of the Ombudsman para ipatupad ang kanilang legal na mga utos, i-secure ang ebidensya, at protektahan ang mga testigo, para masigurong hindi makakaiwas sa pananagutan ang mga makapangyarihang lumalabag sa batas,” sabi ni Pangilinan.
“Justice delayed or selectively enforced deepens public cynicism and weakens democracy. Just as we prepare for a Super El Niño, we must also ensure an end to ‘super impunity’,” dagdag niya.
Binanggit din ni Pangilinan na sumuporta ang Senate Committee on Finance sa hiling na karagdagang P168 milyon na pondo ng Ombudsman para sa paglikha ng Ombudsman law-enforcement service na may 100 bagong posisyon.
Aniya, ang magiging trabaho ng serbisyo ay ang paghahatid ng cyber warrants, pag-secure ng ebidensya, pagpapatupad ng utos, at proteksyon sa imbestigador.
Aniya, may “alignment” at konsensus na sa panukala.
Samantala, isinusulong din ni Lacson ang mas malawak na kapangyarihan para sa Ombudsman.
Sa parehong pagdinig nitong October 5, 2026, sinabi niyang dapat bigyan ng awtoridad ang tanggapan na magsagawa ng searches and seizures, pag-aresto, at law enforcement investigations para mas maging epektibo ang trabaho nito.
“Having come from the law enforcement sector myself, anti-corruption has always been the bedrock and core of my advocacy from way, way back. Having said that, I think the Ombudsman really needs to be empowered because this is what they currently lack. We should authorize them to conduct searches and seizures, effect arrests, and conduct law enforcement investigations so that they can carry out their work more effectively,” sabi ni Lacson.
Imungkahi rin niya ang posibilidad na bigyan ng contempt powers ang Ombudsman sa pamamagitan ng batas.
“I don’t know, but I think that should be the subject of our discussion, whether we can further empower the Ombudsman by statute by giving them contempt powers. As far as I know, this inherent power belongs to the courts. But Congress also has inherent and implied powers under the Constitution. I don’t see any provision in the Constitution that limits other administrative offices or constitutional bodies, such as the Ombudsman, from being granted contempt powers,” aniya.
Sinabi pa ni Lacson na dapat pag-usapan kung ano ang maaaring ilagay na limitasyon sakaling ipagkaloob ang nasabing kapangyarihan. Ernie Reyes
