MANILA, Philippines – Hihiling ang Department of the Interior and Local Government (DILG) ang Interpol Red Notice laban kay Batangas 1st District Rep. Leandro Leviste kasunod ng paglalabas ng arrest warrant laban sa kanya.
Ani DILG Secretary Jonvic Remulla, makikipag-ugnayan siya sa Philippine Center on Transnational Crime (PCTC) para alamin ang lokasyon ni Leviste at tumulong sa pag-aresto rito.
Naniniwala ang mga awtoridad na nasa Germany ngayon si Leviste.
“Parang nasa Germany sila ngayon, ayan ang latest namin. So a-applyan namin sa Center for Transnational Crimes para makuha na [ang] Red Notice,” sinabi ni Remulla.
Noong Oktubre 5 ay nag-isyu ang Makati Regional Trial Court Branch 235 ng arrest warrant laban kay Leviste sa umano’y paglabag sa Section 25 ng Public Service Act.
Nagtakda ang korte ng piyansang P72,000.
Hinimok naman ni Remulla si Leviste na umuwi na sa Pilipinas at harapin ang mga alegasyon laban sa kanya.
“Well, as usual, umuwi na sila. Pero kasama na rin ‘yung mag-asawang Velasco. Umuwi na rin kayo, face the charges, face the accusations, kasi walang nagagawa ‘yung nagtatago eh,” ani Remulla. RNT/JGC
