MANILA, Philippines – Naitala ng Department of Health (DOH) ang pagtaas ng kaso ng influenza-like illness (ILI) ngayong linggo at sisimulan ang pamamahagi ng flu vaccines sa susunod na linggo, ayon kay Health Secretary Edwin Mercado nitong Linggo, Oktubre 25.
Sinabi ni Mercado na nakapagtala ang DOH ng 11,137 kaso ng ILI noong nakaraang linggo, mas mataas ng 8% kumpara sa 10,278 kaso na naitala noong Setyembre 3-16.
Gayunman, sinabi niyang mas mababa pa rin ang kabuuang bilang ng kaso mula Enero hanggang nitong nakaraang linggo kumpara sa kaparehong panahon noong 2025.
Ayon sa World Health Organization, ang influenza-like illness ay isang clinical syndrome na may sintomas tulad ng lagnat at ubo, at maaaring dulot ng iba’t ibang respiratory pathogens.
Sinabi ni Mercado na ang pagkalat ng respiratory infection ay maaaring dahil sa droplets mula sa pag-ubo at pagbahing, gayundin sa paghawak sa kontaminadong mga bagay.
Aniya, dumarami ang kaso kapag malamig ang panahon dahil nagkukumpulan ang mga tao sa iisang lugar at mapanahon din ng maraming selebrasyon.
Sinabi ni Mercado na ilulunsad ng DOH ang flu vaccines sa susunod na linggo, na prayoridad ang mga bulnerableng sektor. Jocelyn Tabangcura-Domenden
