MANILA, Philippines – Iginiit ng Senate Impeachment Court na napaaga ang petisyong inihain ng dalawa nitong miyembro sa Supreme Court (SC) tungkol sa bilang ng boto na kailangan upang mahatulan si Vice President Sara Duterte.
Sa pahayag nitong Huwebes, ibinahagi ni Atty. Reginald Tongol, tagapagsalita ng impeachment court, ang tugon ng Senado noong Nobyembre 3 sa petisyon para sa certiorari at prohibition na inihain nina Senators Robinhood Padilla at Christopher “Bong” Go laban sa binagong voting rule ng impeachment court.
“The petition is fatally premature and warrants no Temporary Restraining Order or Status Quo Ante Order because the September 23 pro hac vice ruling excludes no one by itself, requests by detained senators to participate remain pending, and the voting denominator may never shrink at all,” ani Tongol.
Ayon kay Tongol, hindi binago ng impeachment court ang Konstitusyon at nananatili sa Senado ang eksklusibong kapangyarihang dinggin at resolbahin ang mga kasong impeachment, kabilang ang mga usapin sa kinakailangang bilang ng boto kapag may mga senador-huwes na hindi nakadalo.
“The impeachment court did not amend the Constitution. It simply ensured that the verdict will be decided strictly by the senator-judges who actually heard the evidence, rather than allowing absent or detained senators who never participated in the trial to cast an artificial vote of acquittal,” diin ni Tongol.
Itinanggi rin ng Senado bilang impeachment court na nagkaroon ito ng grave abuse of discretion sa pagdedesisyon sa usapin. Ayon kay Tongol, isinasaalang-alang nito ang mga panig na sangkot at ang mga eksperto sa hudikatura.
“There can be no grave abuse of discretion when a constitutional tribunal hears both the prosecution and the respondent, consults four retired Supreme Court jurists appointed as amici curiae with the parties’ agreement, and resolved the issue by an open, recorded vote,” ani Tongol.
Nangako ang impeachment court na itutuloy ang paglilitis kay Duterte sa nakatakdang petsa na Nobyembre 9 at hindi ito maaantala ng iba pang kasong may kaugnayan sa usapin. RNT/MDS
