Home NATIONWIDE AFP bukas sa pagbabawal ng AI sa kanilang hanay sa gitna ng...

AFP bukas sa pagbabawal ng AI sa kanilang hanay sa gitna ng pagkabahala sa ‘DeepSeek’

MANILA, Philippines- Inihayag ng opisyal ng Armed Forces of the Philippines (AFP) nitong Martes na bukas ang organisasyon sa pagbabawal sa mga tauhan nitong gumamit ng artificial intelligence (AI) bots sa gitna ng national security concerns sa Chinese AI application DeepSeek.

Sinabi ito ni Brigadier General Constancio Espina III, Commander ng AFP’s Communication, Electronics and Information Systems Service (CEISSAFP), sa Commission on Appointments (CA) committee on national defense hearing sa prmosyon ng 36 AFP officers.

Inihayag ni Batangas Rep. Marvey Mariño ang pagkabahala sa paggamit ng AFP ng AI bots, partikular ang DeepSeek, binanggit na posibleng magamit ito upang makakalap ng impormasyon hinggil sa national security.

Tinanong ni Mariño ang AFP officials kung may polisiya sila sa paggamit ng AI, binanggit na ipinagbawal na ng Taiwan ang DeepSeek sa government agencies dahil sa umano’y security risks ng software.

“They did that in Taiwan already because it is a national security issue. Baka puwede kong malaman sa inyo kung meron kayong mga recommendation na ganu’n for us to be able to maybe create a law, or maybe the policy will just come from you para naman maprotektahan [tayo] because we’re not just talking about physical espionage,” wika ni Mariño.

“We’re talking about information that were actually feeding this AI application and it is learning, actually it can conclude strategies as far as what we can do, what we will do. So ‘yun po ‘yung problema dun sa DeepSeek… Alam naman natin we have dispute with China. It is a Chinese company. So maybe if you can study as far as your group is concerned,” patuloy niya.

Sinang-ayunan naman ito ni CA Majority Leader at Camarines Sur Rep. Luis Raymund Villafuerte.

Tugon naman ni Espina, may polisiya na ang AFP na nagbabawal sa mga opisyal nito na mag-post o mag-upload ng “confidential matters” sa social media at iba pang teknolohiya.

Dahil bago itong teknolohiya, sinabi ni Espina na bukas sila sa pagrebisa sa polisiya ng AFP.

“Because of that new technology, there might be some revision on existing policies of the AFP, preventing us from using all of this technology for operational matters and matters of national security,” anang opisyal.

“The AFP is seriously considering these kinds of technology, especially [if] it can be used against us. My point was the fact that it’s not just DeepSeek, but other technologies that we are using that we need to use it with caution and then we need to not put in matters that will be detrimental to our national security,” wika pa niya sa CA panel. RNT/SA