MANILA, Philippines – Ikikibit-balikat na lamang ni First Lady Liza Araneta-Marcos ang mga akusasyon ng nagbitiw na Ako Bicol party-list Rep. Elizaldy Co hinggil sa umano’y panghihimasok sa smuggling ng agrikultura habang nag-iimbestiga ang Kongreso sa pagtaas ng presyo ng pagkain, sinabi ni Palace Press Officer Claire Castro nitong Biyernes.
Ito ang sagot ni Castro nang tanungin siya tungkol sa reaksyon ng unang ginang sa mga alegasyon, na ginawa ni Co sa pamamagitan ng “tell-all” video statement na inilabas noong Miyerkules.
“We know how the first lady reacts to negative news like these baseless stories. She will simply shrug it off because we know, and she knows what the truth is,” ani Castro.
Idinagdag niya na pinabulaanan na ni Agriculture Secretary Francisco Tiu Laurel Jr., isa sa mga personalidad na binanggit ni Co sa video, ang mga alegasyon, at parehong alam ni Pangulong Ferdinand Marcos Jr. at Araneta-Marcos kung ano ang tama at hindi.
“The first lady and the president know the truth. And in the past few days, Secretary Kiko Laurel himself confirmed what the truth is, and what his experience was in speaking or dealing with Zaldy Co,” saad ni Castro.
Sa kanyang video, inakusahan ni Co si Araneta-Marcos na sinusubukang pigilan ang mga pagtatanong ng kongreso sa pagtaas ng presyo ng pagkain sa ngalan ng kanyang kapatid na si Martin Araneta, na nasangkot sa krisis sa presyo ng sibuyas noong 2022.
Si Tiu Laurel, sa kanyang bahagi, ay nagsabi na ang mga alegasyon ng katiwalian ng dating mambabatas ay isang “fabricated lie.”
“It’s total baloney. I even said it’s like a script from a Netflix series. He’s really good… You can call him a tailor. He’s excellent at stitching stories together,” ayon kay Tiu Laurel. RNT/MND
